پاکستان تحریک انصاف کے ترجمان فواد چودھری نے کہا ہے کہ تحریک عدم اعتماد کا امکان موجود ہے،موجودہ حکومت کو 172 ارکان کی حمایت حاصل نہیں، پی ٹی آئی وزیراعظم شہباز شریف کو اعتماد کا ووٹ لینے کا کہے گی۔
ہم نیوز کے پروگرام ’ہم مہر بخاری‘ کے ساتھ میں گفتگو کرتے ہوئے انہوں نے کہا کہ لاہورہائی کورٹ نے آج اہم فیصلہ دیا ہے، نئے اپوزیشن لیڈر کیلئے پراسس شروع کرنا چاہیے،انفرادی طور پر ہمارے ممبران سے رابطےجاری ہیں۔
انہوں نے کہا کہ لوگوں پر جعلی مقدمات بنانا اچھی روایت نہیں، سیاسی کلچر کو تباہ کیا جا رہا ہے، آئین کےمطابق الیکشن نہ کروانے والوں پر آرٹیکل 6 لگ سکتا ہے۔
فوادچودھری کا کہنا تھا کہ پی ٹی آئی اسٹیبلشمنٹ سے رابطے بحال کرنا چاہتی ہے، صدرمملکت کا اس حوالےسے اہم کردار ہے،اگرعمران خان کو نااہل کیا جاتا ہے تو اس سے ملک کا نقصان ہو گا۔