ڈالر کی قدر میں10روپے31 پیسے کی کمی ہو گئی۔
انٹر بینک میں گزشتہ روز ڈالر کی قدر میں بڑے اضافے کے بعد آج تیزی سے گراوٹ کا سلسلہ جاری ہے۔انٹربینک میں ڈالر 10 روپے 31 پیسے سستاہوگیا۔
ایکسچینج کمپنیز ایسوسی ایشن پاکستان کے مطابق انٹربینک میں ڈالر 274 روپے 78 پیسے پر ٹریڈ کر رہا ہے۔
گزشتہ روز کاروبار کے دوران ڈالر کی قیمت بلند ترین سطح پر چلی گئی تھی۔ کاروبار کے اختتام پر ڈالر کی قیمت 285 روپے 9 پیسے تھی جبکہ اوپن مارکیٹ میں 290 میں فروخت ہو رہا تھا۔