تحریک انصاف کا انتقال کر جانے والا کارکن علی بلال ظلِ شاہ کے والدین اس وقت سوگ میں مبتلا ہیں۔ ظلِ شاہ تحریک انصاف کا ایک سرگرم کارکن تھا جو زمان پارک کے اطراف میں پولیس سے تصادم میں دم توڑ گیا۔
ہماری ویب ڈاٹ کام میں آپ کو ظلِ شاہ کی منہ بولی والدہ کا دکھ بتائیں گے کہ انہیں اپنے بیٹے کو کھونے کا کتنا غم ہوا اور وہ اپنے بیٹے کو کتنا چاہتی تھیں۔
ظلِ شاہ کی منہ بولی والدہ نے ڈیجیٹل پاکستان کے چینل کو انٹرویو میں بتایا کہ وہ مجھے ماں کہتا تھا، کبھی والدہ کہتا تھا۔ ظلِ شاہ کی منہ بولی والدہ کا کہنا تھا کہ میرا اس کے ساتھ بہت روحانی تعلق تھا۔میں اس کے ناز اٹھاتی تھی اور وہ میرے ساتھ ایسا سلوک کرتا تھا کہ جیسے کوئی لاڈلا بچہ اپنی والدہ کے ساتھ کرتا ہے۔
انہوں نے بتایا کہ پرسوں میں انٹرویو دیکھ رہی تھی تو وہ میری طرف ہی دیکھ رہا تھا، جب انٹرویو ختم ہوا تو میں اس کے پاس آئی اور اس نے مجھ سے بھولے انداز میں کہا کہ میں آپ سے نہیں بولتا میں نے پوچھا کہ کیوں ظلِ تو اس نے مجھ سے کہا کہ میں آپ کو دیکھتا رہتا ہوں اور آپ انٹرویو دینے میں مصروف رہتی ہیں۔
پی ٹی آئی کے مرحوم کارکن علی بلال کی منہ بولی ماں نے بتایا کہ ظلِ شاہ کی والدہ کا اس وقت بہت برا حال ہے، اور وہ اس وقت بیٹے کی یاد میں تڑپ رہی ہیں۔ علی بلال کی منہ بولی والدہ کا کہنا تھا کہ ظلِ کسی کو برا بھلا نہیں کہتا تھا بلکہ وہ تو بہت معصوم اور بہادر تھا۔ مجھے وہ بہت ساری باتیں بتاتا تھا اور میرا وہ بہت خیال رکھتا تھا۔ وہ عمران خان کا دیوانہ تھا۔
ظل شاہ کی تصاویر سوشل میڈیا پر ہر طرف وائرل ہو رہی ہیں۔ سرگرم کارکن کی والدہ کی تصویر بھی سوشل میڈیا پر وائرل ہو رہی ہے جس میں انہیں بیٹے کی لاش کے قریب غمزدہ دیکھا جا سکتا ہے۔