بھارت کے معروف اداکار رنبیر کپور نے کہا ہے کہ خواہش ہے کہ میری بیٹی کی شخصیت عالیہ جیسی نہ ہو۔
اپنی فلم ’’تو جھوٹی میں مکار‘‘ کی تشہیر کے دوران ایک انٹرویو میں انہوں نے کہا کہ وہ چاہتے ہیں جب راہا بڑی ہو تو وہ عالیہ کی طرح خوبصورت نظر آئے لیکن مزاج میں اس کی جیسی نہ ہو بلکہ وہ میری شخصیت کو فالو کرے کیونکہ میں گھر پر ‘دو عالیہ’ نہیں سنبھال سکتا۔
انہوں نے کہا ہے کہ عالیہ جیسی دوسری لڑکیوں کو سنبھالنا ان کے لیے مشکل کام ہوگا کیونکہ وہ بہت زیادہ بولتی ہے لیکن میں امید کرتا ہوں کہ راہا میری طرح خاموش مزاج ہو تاکہ ہم دونوں ملکر عالیہ کو سنبھال سکیں۔
واضح رہے کہ رنبیر کپور اور عالیہ بھٹ اپریل 2022ء میں شادی کے بندھن میں بندھے تھے جس کے 6 ماہ بعد ہی انہوں نے اپنے ہاں ننھے مہمان کی آمد کا اعلان کردیا تھا۔