اکثر سوشل میڈیا پر کچھ ایسی خبریں وائرل ہو جاتی ہیں جو کہ سب جو حیرت میں ڈال دیتی ہیں، کچھ تو خوف کا باعث بھی بن جاتی ہیں۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
سوشل میڈیا پر ایک خاتون سے متعلق خبر نے اس وقت سب کی توجہ حاصل کی، جب وہ ایک فوڈ ریسٹورنٹ کے فریجن میں 8 گھنٹوں سے قید ہو گئی تھی۔
20 سالہ کرلی اس وقت فریج میں پھنس گئی تھیں، جب وہ فریج میں سے دودھ لینے کے لیے داخل ہوئیں، لیکن اچانک چھوٹے کمرے جتنا دیوہیل فریجن کا دروازہ اچانک لاک ہو گیا۔
چونکہ کرلی رات کی شفٹ میں تھیں اور تنہا ہی موجود تھیں، یہی وجہ تھی وہ اندر ہی پھنس کر رہ گئیں اور کوئی مدد کو نہ آیا۔
یہاں تک کہ کرلی نے آوازیں بھی بہت دیں، لیکن کوئی سننے والا ہی نہ تھا، ایک راستہ جو کہ کرلی کو بچا سکتا تھا، وہ سی سی ٹی وی کیمرے تھے، مگر لاکھ کوشش کے باوجود بھی کرلی ان کی توجہ حاصل نہ کر سکی۔
اور پھر جب صبح ساڑھے ساتھ بجے صبح کی شفٹ کا عملہ آیا تو وہ کرلی کو برف میں جمع دیکھ کر حیران رہ گیا، کیونکہ کرلی غیر معمولی حالت کا شکار تھی۔'
اگرچہ خاتون کئی گھنٹوں تک اندر پھنسی تھی جبکہ درجہ حرارت بھی 0 ڈگری سے نیچے تھے، تاہم اس کے باوجود خوش قستمی سے کوئی جانی نقصان نہیں ہوا۔