امریکہ کی ریاست نیو جرسی کے علاقے پیٹرسن کی ایک مسجد کے امام پر فجر کی نماز کے دوران چاقو سے حملہ کر دیا گیا۔
سی سی ٹی وی فوٹیج میں حملہ آور کو نمازیوں کے درمیان سے دوڑ کرنکل کر امام مسجد پر حملہ کرتے دیکھا جا سکتا ہے، ملزم نے امام مسجد کی گردن اور پیٹ پر وارکرکے انہیں زخمی کر دیا۔
اس موقع پر نمازیوں نے حملہ کرنے والے شخص کو قابو کر لیا اور پولیس کے حوالے کر دیا، دوران نماز مسجد میں تقریباً دو سو نماز موجود تھے۔
حملے کے بعد امام مسجد کو فوری طور پر ہسپتال منتقل کر دیاگیا، پولیس نے حملہ آور کی عمر 32 سال بتائی ہے اور کہاہے کہ تفتیش کا عمل جاری ہے۔