پاکستان میں میڈیا کی آزادی کے بعد ٹی وی پر درجنوں چینل آچکے ہیں تاہم کسی بھی چینل پر ماضی میں پی ٹی وی کی طرح تلاوت کلام پاک اور دعا نہیں ہوتی جبکہ ماضی میں دن کا آغاز تلاوت اور دعا سے ہوتا تھا جس کی وجہ سے پورا دن خوشگوار گزرتا تھا۔
سوشل میڈیا پر پی ٹی وی کے سنہری دور میں ناظرین اپنے پسندیدہ شوز کے ساتھ ساتھ تلاوت اور دعا کے بھی منتظر رہتے تھے، صبح سویرے گھروں میں اونچی آواز میں تلاوت اور دعا کی آواز گونجتی تھی۔
پورا گھرانا صبح صبح تلاوت اور دعا کی وجہ سے خوشی محسوس کرتا تھا لیکن اب درجنوں چینلز آنے کے بعد بھی لوگ ٹی وی سے مطمئن نہیں ہیں کیونکہ کسی بھی چینل پر ماضی کی طرح تلاوت یا دعا کا اہتمام نہیں ہوتا۔
مقابلے کی دوڑ میں نجی ٹی وی چینلز نے تلاوت اور دعا کو یکسر فراموش کردیا ہے، صرف رمضان اور مخصوص ایام میں ہی مذہبی پروگرامز کا انعقاد کیا جاتا ہے جبکہ ماضی میں پی ٹی وی پر مذہبی پروگرامز کا باقاعدہ انعقاد کیا جاتا تھا۔
پی ٹی وی کو صرف ایک ٹی وی چینل نہیں بلکہ ایک مکمل درسگاہ کا درجہ حاصل تھا کیونکہ ماضی میں پی ٹی وی پر بیت بازی، نعت رسول مقبول کے مقابلے جیسے صحت میں رجحانات کو پروان چڑھایا جاتا تھا۔ یہی وجہ ہے کہ آج درجنوں چینل ہونے کے باوجود لوگ پی ٹی وی کو یاد کرتے ہیں۔