مععروف نیوز اینکر اور کامیڈین جیری اسپرنگر کو 79 سال کی عمر میں انتقال کر گئے۔
غیر ملکی خبر رساں ادارے کی رپورٹ کے مطابق اسپرنگر اپنے شوز میں خاندانوں کے اندر موجود جھگڑے اور ان کی وجوہات کو نمایاں کرتے تھے۔ ان کا شو ہفتے میں تین دن پیش کیا جاتا تھا۔
اسپرنگر لگ بھگ 27 سال تک یہ شوز پیش کرتے رہے جو ایک زمانے مقبولیت کے اسکیل پر سب سے اونچے درجوں پر جگہ پاتے تھے۔
اسپرنگر اپنے شوز کو ایک ایسی تفریح کا نام دیتے تھے جس کا مقصد مسائل اور پریشانیوں سے فرار حاصل کرنا ہے۔ جبکہ ناقدین کا کہنا تھا کہ ان کے شوز امریکی سماجی اقدار کے زوال پذیر پہلو کو پیش کرتے۔
ان کے دوست کہتے ہیں کہ اسپرنگر کی لوگوں کے ساتھ جڑ جانے کی صلاحیت ہی ان کی کامیابیوں کی کلید تھی۔ ان کا انتقال ایک ناقابل تلافی نقصان ہے۔ لیکن ان کی عقل و دانش کی باتیں اور مزاح کی یادیں ہمیشہ باقی رہیں گی۔