ڈرامہ تیرے بن کی ہر قسط شروع سے ہی دیکھنے والوں کے دلوں میں جگہ بناتی آئی ہے، یہی وجہ ہے کہ ہر قسط میلین ویوز کے ساتھ ٹاپ 10 میں نظر آتی ہے۔ جیسا کہ آپ لوگوں نے دیکھا کہ میرب کو گھر سے اسلیے نکال دیا گیا کہ اس نے گھر کی بیٹی مریم کو دشمن ملک زبیر کے ساتھ بھگانے میں مدد کی، یہاں غلطی میرب کی تھی اس کو یہ فیصلے کرتے ہوئے محتاط ہونا چاہیے تھا لیکن بیچاری مریم کی روتی ہوئی شکل کو دیکھ کر صحیح اور غلط میں فرق نہ کرسکی اور ملک زبیر کے وعدے پر مرتسم کو بھی ترجیح نہ دے سکی۔ جبکہ میرب خود بھی نہیں جانتی تھی کہ ملک زبیر کون ہے؟
قسط 43 میں آپ نے دیکھا کہ جب مریم کا نکاح ہوچکا تھا تو حیا نے اپنی بے حیائی کی قیمت کم نہ رکھی، کچھ نہ کچھ کرکے دل جلانے میں مہارت حاصل کرنے والی حیا نے مرتسم سے پوچھا کہ دیکھو میں کیسی لگ رہی ہوں۔،
مزید یہ کہ حیا میڈم مستقل میرب کی برائی کرتی رہیں، اس کو ہر چیز کا ذمہ دار ٹہراتی رہیں، لیکن اصل مزہ اس وقت آیا جب میرب کی برائی نہ سنتے ہوئے مرتسم نے کہا حیا تم نے پوچھا تھا نہ مجھ سے کہ کیسی لگ رہی ہو؟ بالکل زہر لگ رہی ہو۔۔۔ لو جناب! سوشل میڈیا صارفین کی تو خوشی کا ٹھکانہ ہی نہ رہا۔
ہر کوئی مرتسم کو با عزت کردار قرار دے رہا ہے کیونکہ بیوی کی غیرموجودگی میں اس کی برائی سن کر سامنے والی عورت کو خاموش کروانا بھی ایک مضبوط مرد کا کام ہوتا ہے جو بیوی کی عزت پر کبھی کوئی آنچ آنے نہیں دیتا۔ صارفین بھی مرتسم کے اس ڈائیلاگ سے بہت خوش ہو رہے ہیں۔