ماں اپنی اولاد کے لیے ہر دکھ اور مشکل کو برداشت کر لیتی ہے، لیکن کچھ مائیں ان سب کے باوجود اپنی اولاد کے لیے ہر مشکل سہن کر لیتی ہیں۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
ہم ٹی وی کے پروگرام میں ایک ایسی ہی دلچسپ کہانی سامنے آئی جس نے سب کی توجہ حاصل کر لی، یہ پروگرام مشہور شیف شیریں آپا کا تھا جس میں وہ مختلف شہریوں کے گھر جا کر ان کی دلچسپ اور منفرد ریسیپیز کو ٹرائی کرتی ہیں۔
ایک ایسے ہی پروگرام کے لیے انہیں لاہور جانا تھا، جب وہ آفرین کے گھر میں داخل ہوئیں تو انہیں یہ جان کر بھی بے حد خوشی ہوئی کہ آفرین کا اپنا یوٹیوب چینل ہے۔
امبرین نے اس حوالے سے بتایا کہ میرا یوٹیوب چینل مخلتف کھانوں کی ترکیب کے حوالے سے بنایا گیا ہے، اس کی وجہ یہ تھی کہ میرا بیٹا بیرون ملک چلا گیا تھا، جسے کھانے بنانے کے حوالے سے مشکل پیش آ رہی تھی۔
اب ظاہر ہے ماں سے بیٹے کی مشکل کس طرح دیکھی جاتی، پھر کیا تھا ماں نے اپنا یوٹیوب چینل بنا لیا جہاں وہ مختلف اور آسان کھانوں کی ریسیپیز بناتیں، جس سے ان کے بیٹے کو بھی فائدہ ہونے لگا۔
امبرین کی ریسیپیز میں زیادہ تر ہلکے پھلکے تھوڑے کم مصالحے والے کھانے بناتی ہیں، عین ممکن ہے کہ زیادہ مصالحے والے کھانے بچوں کی طبیعت پر بھی اثر انداز ہوتے ہوں۔
جبکہ اب بیٹا بھی والدہ کے یوٹیوب چینل سے ہی بنائی گئی ریسیپیز کو استعمال کرتا ہے۔
سوشل میڈیا پر اس ویڈیو نے خوب توجہ سمیٹ لی تھی جس میں ماں کی ممتا اور احساس نے سب کی دلچسپی سمیٹی۔