افغانستان کرکٹ ٹیم کے اوپنرز رحمان اللہ گرباز اور ابراہیم زادران نے پاکستانی کپتان بابر اعظم اور محمد رضوان کی جوڑی کو پیچھے چھوڑ دیا۔
افغان اوپننگ جوڑی جاری ٹی 20 ورلڈ کپ ایڈیشن میں سب سے زیادہ پارٹنرشپ رنز بنانے والی جوڑی بن گئی۔ دونوں کھلاڑیوں نے بنگلا دیش کے خلاف سپر 8 میچ میں یہ ریکارڈ اپنے نام کیا۔
سال 2021 میں دبئی میں کھیلے گئے ورلڈ کپ میں قومی ٹیم کے کپتان بابر اعظم اور محمد رضوان نے 411 رنز بطور پارٹنرز بنائے تھے۔ رواں ایڈیشن میں افغان اوپنرز ابراہیم زدران اور رحمان اللہ گرباز نے 442 رنز کی پارٹنرشپ قائم کرکے ریکارڈ اپنے نام کیا۔
یہ بھی پڑھیں: افغان کرکٹر پر میچ میں تاخیر کیلئے’’فیک انجری‘‘کا الزام لگ گیا
افغان جوڑی ورلڈ کپ کے ایک ایڈیشن میں 4 ففٹی پلس شراکت کرنے والی جوڑی بھی بن گئی ہے۔ دونوں اوپنرز کے درمیان 3 سنچریوں کی شراکت بھی رہی جو کہ ایک ورلڈ کپ ایڈیشن کا ریکارڈ ہے۔