کراچی میں بلدیاتی الیکشن میں کامیابی کے بعد پاکستان پیپلزپارٹی کی جانب سے میئر کیلئے ناموں پر غور و مشاورت کا سلسلہ جاری، مرتضیٰ وہاب کے بعد ایک اور اہم نام بھی سامنے آگیا۔
پیپلزپارٹی نے بلدیاتی الیکشن میں کامیابی کے بعد کراچی میں اپنا میئر لانے کا اعلان کیا تھا جبکہ سیاسی حلقوں نے میئر کیلئے مرتضیٰ وہاب کو فیورٹ قرار دیا تھا تاہم سیاسی ذرائع کا کہنا ہے کہ ایک اور پی پی رہنما بھی میئر کی دوڑ میں شامل ہوگئے ہیں۔
سیاسی ذرائع کا کہنا ہے سیلم مانڈوی والا بھی میئر کراچی کیلئے پیپلز پارٹی کی اعلیٰ قیادت کے زیر غور ہیں اور یہی وجہ ہے کہ پیپلزپارٹی اب تک میئر کے نام کا اعلان نہیں کرسکی۔
یاد رہے کہ کراچی کے بلدیاتی انتخابات میں کل 246 میں سے 240 نشستوں کے نتائج کے مطابق پیپلز پارٹی نے 98، جماعت اسلامی نے87 اور تحریک انصاف نے43 سیٹں جیتی ہیں ۔
(ن) لیگ 7، جے یوآئی (ف) 3 ،تحریک لبیک اور آزادامیدوار نے ایک ایک سیٹ ہیں۔6 یونین کمیٹیز کی نشستوں پر نتائج کا معاملہ عدالت میں زیرسماعت ہے۔