اسلام آباد: تحریک انصاف کے مرکزی رہنماء و سابق وفاقی وزیر فواد چوہدری اسلام آباد ہائیکورٹ میں گرفتاری کے ڈر سے گاڑی سے اتر کر کمرہ عدالت میں چھپ گئے، ویڈیو سوشل میڈیا پر وائرل ہوگئی۔
اسلام آباد ہائیکورٹ نے تھری ایم پی او کے تحت فواد چوہدری کی گرفتاری کالعدم قرار دے کر انہیں رہا کرنے کا حکم دیا تھا،فواد چوہدری رہائی کےبعد جیسے ہی گھر واپسی کے لیے گاڑی میں بیٹھے تو سامنے سے آنے والے پولیس اہلکاروں کو دیکھ کر بھاگ کھڑے ہوئے اورکمرہ عدالت میں پہنچ گئے۔
یاد رہے کہ نو مئی کو پی ٹی آئی کے چیئرمین عمران خان کی گرفتاری کے بعد شرپسندوں کے حملوں کے بعد پولیس نے پی ٹی آئی کے قیادت کو بھی حراست میں لے لیا تھا۔
اسلام آباد ہائیکورٹ نے فواد چوہدری کو آج پیش کرنے کا حکم دیا تھا جبکہ ہائیکورٹ میں پیشی کے واپسی پر فواد چوہدری کے بھاگنے کا واقعہ پیش آیا اور اس کی ویڈیو سوشل میڈیا پر وائرل ہوگئی ہے۔
اس حوالے سے سوشل میڈیا صارفین کا کہنا ہے کہ یہ تو حقیقی آزادی کیلئےنکلے تھے لیکن پولیس کے ڈر سے چھپتے پھررہے ہیں۔