پاکستان تحریک انصاف کے رہنماؤں کی جانب سے پارٹی سے علیحدگی کے اعلانات کا سلسلہ جاری، عامر محمود کیانی نے بھی پارٹی چھوڑنے کا اعلان کردیا تاہم سندھ کے صدر علی زیدی پارٹی کے ساتھ ڈٹ کر کھڑے ہوگئے۔
اسلام آباد میں پریس کانفرنس کے دوران عامر محمود کیانی نے کہا کہ 9 مئی قومی سانحے کا دن تھا، جس کا مجھے ذاتی طور پر دکھ ہوا۔صرف پی ٹی آئی ہی نہیں سیاست چھوڑ رہا ہوں۔
پی ٹی آئی چھوڑنے والے عامر کیانی پی ٹی آئی شمالی پنجاب کے صدر رہے ہیں جبکہ این اے 61 سے تحریک انصاف کے ٹکٹ پر ایم این اے منتخب ہوئے تھے، عامر کیانی کا شمار چیئرمین پی ٹی آئی عمران خان کے قریبی ساتھیوں میں ہوتا ہے۔
دوسری جانب پی ٹی آئی سندھ کے صدر علی زیدی کا کہنا ہے کہ تحریک انصاف میری جماعت ہے، مجھ پر کوئی دباؤ ڈال کر پارٹی نہیں چھڑوا سکتا۔میری سیاسی پیدائش تحریک انصاف میں ہوئی، عمران خان کے علاوہ کسی کو سیاستدان نہیں مانتا۔تحریک انصاف اس دن چھوڑوں گا جس دن عمران خان چھوڑیں گے۔