الطاف حسین کھانستے تو پورا کراچی بند ہوجاتا۔ الطاف حسین کو چھینک آتی تو شہر قائد جل اٹھتا تھا، ایسا ہی کچھ عمران خان کے ساتھ ہوا لیکن عمران خان کے کارکنوں نے وہ کردکھایا جو الطاف حسین تو کیا دشمن ممالک بھی کئی برسوں میں نہ کرسکے۔
چند ہفتے پہلے پاکستان تحریک انصاف کا ٹکٹ ایک کروڑ سے بھی زیادہ کا مل رہا تھا جیسے ماضی میں الطاف حسین کو کامیابی کی ضمانت سمجھا جاتا تھا ویسے عمران خان کا نام بھی الیکشن میں کامیابی کا ضامن بن چکا تھا لیکن اگر آپ کو یاد ہو تو سابق ڈی جی آئی ایس پی آر جنرل آصف غفور نے ایک بار کہا تھا کہ آپ ریاست سے نہیں لڑ سکتے کبھی۔
الطاف حسین کی ریاست کیخلاف صرف نعرے بازی نے وہ کام کیا جو پورے ملک کی سیاسی جماعتیں ملکر نہ کرسکیں اور آج پاکستان میں الطاف حسین کی پارٹی ٹکڑوں میں بکھری نظر آتی ہے۔
نومئی کو حکومتی اور دفاعی املاک پر حملوں کے بعد آج عمران خان پر بھی ایسا ہی کچھ وقت آتا دکھائی دیتا ہے۔ جہاں کچھ دن پہلے لوگ ایک ایک سیٹ پر کئی امید وار خواہشمند تھے اب ۔ ٹکٹ ہی نہیں بلکہ جیتی ہوئی سیٹیں بھی واپس کررہے ہیں،جیسے کہ عامر محمود کیانی ، محمود مولودی اور عباد فاروق اور سندھ اسمبلی کے 2 اراکین نے کیا۔
ان حالات کو دیکھ کر سنجیدہ حلقوں کا کہنا ہے کہ شائد عمران خان پر بھی الطاف حسین کی طرح زوال آگیا ہے اور ممکن ہے کہ الیکشن کے مطالبے کرنے والی پی ٹی آئی کے پاس آگے چل کر ٹکٹ دینے کیلئے بھی امیدوار کم ہونگے۔