کراچی: پاکستان پیپلز پارٹی نے بلدیاتی انتخابات میں کامیابی کے بعد سابق ایڈمنسٹریٹر کراچی مرتضیٰ وہاب کو میئر کراچی بنانے کا فیصلہ کرلیا ہے۔
پیپلزپارٹی کے چیئرمین بلاول بھٹو، آصف علی زرداری ، فریال تالپور و دیگر مرکزی قائدین نے میئر کراچی کیلئے مرتضیٰ وہاب کے نام کی منظوری دیدی ہے۔
قائدین کی مشاروت کے بعد کراچی کے 25 ٹاؤنز میں چیئرمین کے امیدواروں کے نام بھی فائنل کرلیے گئے ہیں، پرویز دودا بلدیہ، ہمایوں محمد خان ماڑی پور ٹاؤن کے چیئر مین کیلئے امید وار ہونگے ۔
سلمان عبداللہ مراد گڈاپ ٹاؤن کیلئےچیئرمین کے امیدوار ہونگے۔حیدرآباد کے میئر کے لیے کاشف شورو کے نام کی منظوری دی گئی ہے۔
یاد رہے کہ پاکستان پیپلزپارٹی نے کراچی کے بلدیاتی الیکشن میں سب سے زیادہ سیٹیں حاصل کی تھیں جبکہ گزشتہ چند روز سے مختلف پی پی رہنماؤں کو میئر کیلئے فیورٹ قرار دیا جارہا تھا قرعہ فال مرتضیٰ وہاب کے نام نکلا۔
مرتضیٰ وہاب بلدیاتی نظام کی مدت ختم ہونے کے بعد ایڈمنسٹریٹر کراچی کے طور پر خدمات انجام دے رہے ہیں اور ان کی تعیناتی کے دوران کراچی میں بلدیات خدمات کی انجام دہی میں کافی تیزی دیکھی گئی تھی۔