آلو، مٹر، پنیر ، مرچ مصالحوں کے علاوہ خشک میوہ جات سے بنا 12 کلو وزرنی سموسہ آدھے گھنٹے میں کھانے والے کیلئے ڈھائی لاکھ روپے کا انعام رکھ دیا گیا۔
بھارتی ریاست گجرات میں 12 کلو وزنی سموسہ کھانے کاچیلنج پورا کرنے والوں کو 71 ہزار بھارتی روپے نقد انعام دیا جائے گاجو کہ دو لاکھ 48 ہزار سے زائد پاکستانی روپے بنتے ہیں۔
12 کلو وزنی باہوبلی سموسہ شبھم کوشل نامی شخص نے تیار کیا ہے، شبھم کوشل سالگرہ کے موقع پر کیک کاٹنے کی روایت کو بدلنا چاہتے تھے اسی لیے انہوں نے 12 کلو کا وزنی سموسہ تیار کیا ہے جبکہ چیلنج کے مطابق آدھے گھنٹے میں 12 کلو وزنی باہوبلی سموسے کھانے والے کو 71 ہزار بھارتی روپے کا نقدی انعام دیا جائے گا۔
باہوبلی سموسے کو تیار کرنے میں 6 گھنٹے کا وقت لگتا ہے اور تلنے میں ڈیڑھ گھنٹہ صرف ہوتا ہےجبکہ سموسے کو تیار کرنے میں تین باورچی اپنی مہارت کا استعمال کرتے ہیں۔سموسے کی بھرائی میں آلو، مٹر، پنیر اور مرچ مصالحوں کے علاوہ خشک میوہ جات بھی ڈالے جاتے ہیں۔
شبھم کوشل نے پہلے 4 کلو وزنی سموسے سے اپنے کاروبار کا آغاز کیا تھا تاہم اس وزن کو بڑھا کر 8 کلو کردیا گیا جس پر انھیں خوب پذیرائی ملی جس کے بعد شبھم کوشل نے 12 کلو کا بھاری بھرکم سموسہ تیار کرکے عوام کے سامنے چیلنج رکھ دیا۔سموسے کی قیمت 1500 روپے ہے جس کے لیے ابھی تک 40 سے 50 آرڈر مل چکے ہیں۔