فیس بک کے ادارے میٹا نے ایلون مسک کے ٹویٹر کی طرز پر نئی ایپ کی تیاری شروع کرکے ٹویٹر کیلئے خطرے کی گھنٹی بجادی ہے۔
میٹا پلیٹ فارمزجسے پہلے فیس بک کے نام سے جانا جاتا تھا، ٹوئٹر کا مقابلہ کرنے کے لیے تھریڈز کے نام سے ایک نئی ایپ متعارف کرانے کا منصوبہ بنا رہا ہے۔
تھریڈز لانچ کرنے کا فیصلہ ٹویٹر کے سی ای او ایلون مسک کو پلیٹ فارم پر صارفین کی پوسٹس کی تعداد کو محدود کرنے پر تنقید کا سامنا کرنے کے فوراً بعد سامنے آیا ہے۔
جمعرات کو ریلیز ہونے والی نئی ایپ صارفین کو اپنے فالوورز کو انسٹاگرام سے رکھنے اور وہی صارف نام استعمال کرنے کی اجازت دے گی۔ مائیکرو بلاگنگ مارکیٹ میں داخل ہو کر میٹا پلیٹ فارمز کا مقصد ٹویٹر کے غلبہ کو چیلنج کرنا ہے۔
یاد رہے کہ جب سے ایلون مسک نے 2022 میں ٹویٹر کو 44 بلین ڈالر میں حاصل کیا تھا، اس کے بعد سے پلیٹ فارم کے ارد گرد تنازعات کی بھرمار ہے جس کی وجہ سے ٹویٹر کے مقابلے میں دوسری ویب سائٹس زیادہ کامیابی حاصل کررہی ہیں تاہم ٹویٹر کی کامیابی کا مقابلہ نہیں کر سکی جس کی وجہ سے میٹا نے اب نئی ایپ لانچ کرنے کا فیصلہ کیا ہے۔