ہوائی جہاز میں اُڑ کر ایک ملک سے دوسرے ملک جانے کا شوق تو آپ کو بھی ہوگا اور پاکستانی تو بیرون ممالک جانے کے لیے کسی بھی قیمت پر تیار ہوتے ہیں۔ لیکن اس سفر کے دوران آپ بہرے بھی ہوسکتے ہیں ہے نا حیران کُن بات ۔۔
درحقیقت فضائی سفر کے دوران ایسا ہونا نارمل معمول کا حصہ ہے، جس کی وجہ طیارے میں ہوا کے دباﺅ میں توازن نہ ہونا ہے۔
جب ہم زمین پر ہوتے ہیں تو کان کے پردوں کے اطراف ہوا کا دباﺅ ایک جیسا ہوتا ہے، جس سے ہوا آسانی سے کان اور حلق کی درمیانی شریان سے گزر جاتی ہے۔ لیکن جب ہم جہاز میں سفر کرتے ہیں تو وہاں ہوا کا دباﺅ ٹیک آف اور لینڈنگ کے وقت غیر متوازن ہو جاتا ہے اور اس تبدیلی کو ہمارے کانوں کے پردے سب سے پہلے محسوس کرلیتے ہیں جس کی وجہ سے بہرہ پن ہو جاتا ہے۔
بہرے پن سے بچنے کے لیے کیا کریں؟
جہاز کے خوبصورت سفر کے دوران کانوں کو اس تکلیف سے بچانے کا طریقہ بہت آسان ہے اور وہ یہ ہے کہ بس جمائی لینا یا کوئی میٹھی چیز نگلنا، یہ دونوں طریقے ہوا کے گزرنے والی نالی کو کھول کر دباﺅ میں کمی لاتے ہیں۔ کچھ لوگ یہ بھی مشورہ دیتے ہیں کہ آپ چیونگم چبائیں اس سے بھی ہوا کا گزر بسر نالیوں کے اطراف ٹھیک سے ہو جاتا ہے، لہٰذا یہ ایک اچھا طریقہ ہے اور استعمال شدہ بھی۔۔