معروف کمپنی ایپل کی جانب سے اپنے صارفین کو خبردار کیا گیا ہے۔
غیر ملکی میڈیا رپورٹس کے مطابق کہ ایپل نے آئی فون اپنے سرہانے رکھ کر سونے سے گریز کرنے کا کہا ہے۔
کمپنی کی جانب سے صارفین کو متنبہ کیا گیا ہے کہ وہ فون یا چارجر کو اپنی جِلد سے براہ راست لگنے سے بچیں۔
کمپنی کی جانب سے جاری کردہ ہدایات کے مطابق جب بھی کوئی ڈیوائس، پاور ایڈیپٹر یا وائرلیس چارجر پاور سورس سے جڑا ہو تو ان کو سرہانے رکھ کر سونے یا چادر یا تکیے کے اندر یا جسم پر رکھ کر نہ سویا جائے۔
کمپنی نے صارفین کو مطلع کیا کہ فون کو چارج کرتے وقت اس کی اسکرین اوپر کی جانب ہونی چاہیئے۔ مزید برآں اگر صارفین کو فون سے خارج ہونے والی تپش کو محسوس کرنے میں کسی قسم کا مسئلہ ہو تو انہیں خصوصی احتیاط برتنی چاہیئے۔