پاکستان سمیت دنیا کے مختلف ممالک میں آج رواں سال کے دوسرے سپر مون کا نظارہ کیا جائے گا، آج رات چاند رواں ماہ میں دوسری بار زمین سے قریب تر ہوگا۔
2023 کا سب سے روشن اور بڑا چاند ’سُپر بلیو مون‘ کا نایاب نظارہ آج کیا جاسکتا ہے، سپر بلیو مون معمول سے 7اعشاریہ 2 فیصد بڑا اور 15اعشاریہ 7 فیصد زیادہ روشن نظر آئے گااور یہ سپر بلیو مون جمعرات کی صبح 4 بجے دیکھا جاسکے گا۔
ماہرین فلکیات کا کہنا ہے کہ انگریزی مہینے میں دوسری بار دکھائی دینے والے چودھویں کے چاند کو "بلیو مون" کہا جاتا ہے۔اس مہینے کا سپر بلیو مون اس لیے خاص ہے کہ ایسا نظارہ پھر 2032 میں ہوگا۔
اس مہینے کے شروع میں بھی ایک چودھویں کاچاند نظر آیا تھا اس لئے اس مہینے کا سپر بلیو مون اس لیے بھی خاص ہے کیونکہ اس کے بعد ایسا نظارہ دیکھنے کے لیے 2037 تک انتظار کرنا ہوگا۔