چین نے باہر سے خلائی جہاز کی طرح دکھائی دینے والی اس عمارت میں دنیا کا سب سے بڑا ان ڈور آبی سائنس پارک قائم کردیا ہے۔
چین کے صوبہ زوہائی میں قائم آبی سائنس پارک کی بیرونی عمارت کسی سائنس فکشن فلم کے بڑے خلائی جہاز کی طرح دکھائی دیتی ہے، اسے 2021 میں کھولنا تھا لیکن کچھ تاخیر کےبعد اب اسے عوام کے لیے کھول دیا گیا ہے۔
اس سائنس پارک میں 10 مختلف موضوعات پر نمائشی اشیا رکھی گئی ہیں جن میں 100 اقسام کے زندہ مونگے اور مرجان بھی رکھے گئے ہیں۔ دنیا کے سب سے بڑی ایکوریئم میں 300 مختلف اقسام کے ایک لاکھ آبی جانور، مچھلیاں اور دیگر مخلوقات رکھی گئی ہیں۔پارک کا پورا نام ’ زوہائی چائملونگ مرین سائنس پارک‘ ہے جس کا کل رقبہ 400,000 مربع میٹر ہے جہاں 50 ہزار افراد سما سکتےہیں۔
سائنس پارک میں سب سے بڑی ونڈو والا ایکویریئم ہے اور دوسری جانب زندہ کورال کا سب سے بڑا ٹینک بھی ہے۔ منصوبے پر ایک ارب ڈالر سے زائد کی رقم صرف ہوئی ہے ،اس سائنس پارک میں میں ایک ریستوران اور رہنے کی جگہ بھی بنائی گئی ہے۔