گوگل نے انکشاف کیا ہے کہ اس کا اے آئی سے چلنے والا سسٹم پروجیکٹ گرین لائٹ کئی بڑے عالمی شہروں میں ٹریفک کی روانی پر مثبت اثر ڈال رہا ہے۔
یہ منصوبہ ابتدائی طور پر 2021 میں متعارف کرایا گیا تھا، اس کے بعد سے گاڑیوں کی وجہ سے ایندھن کی کھپت اور فضائی آلودگی کو کم کرنے کے مقصد کے ساتھ 12 شہروں تک پھیل گیا ہے۔
گوگل کی جانب سے یوسی میٹیاس نے پروجیکٹ کی کامیابی پر ایک اپ ڈیٹ فراہم کیا۔ پروجیکٹ گرین لائٹ کا ان علاقوں میں تجربہ کیا جا رہا ہے جہاں ٹریفک کے اہم مسائل ہیں، بنیادی طور پر پیچیدہ ٹریفک لائٹس والے مصروف چوراہوں پر جہاں گاڑیاں اکثر رکتی اور شروع ہوتی ہیں۔ یہ چوراہے ٹریفک کی بھیڑ اور آلودگی کا سبب بن سکتے ہیں۔
بنگلور، بڈاپیسٹ، جکارتہ، مانچسٹر، حائفہ، ہیمبرگ، ریو ڈی جنیرو اور سیئٹل جیسے شہر اس وقت ٹریفک سے متعلقہ چیلنجوں سے نمٹنے اور زیادہ موثر نقل و حمل کے نظام کی تشکیل کے لیے پروگرام میں حصہ لے رہے ہیں۔