واشنگٹن ۔16جنوری (اے پی پی):امریکی ترجمان میتھیو ملر نے عراق کے شہر اربیل میں ایرانی پاسداران انقلاب کی جانب سے میزائل حملوں کی مذمت کرتے ہوئے انہیں لاپراہ میزائل حملوں کا نام دیا ہے۔ انہوں نے کہا کہ اس حملے سے امریکا کا کوئی جانی یا مالی نقصان نہیں ہوا ہے۔ العربیہ اردو کے مطابق انہوں نے کہا کہ ہم عراق کے استحکام کو کمزور کرنے والے ان حملوں کی مذمت کرتے ہیں۔
انہوں نے کہا کہ ایرانی میزائل حملے سے امریکا کا کوئی جانی نقصان نہیں ہوا ہے اور نہ ہی امریکی تنصیبات کو کوئی نقصان پہنچا ہے۔واضح رہے ایرانی پاسداران انقلاب نے پیر کی رات اعلان کیا تھا کہ انہوں نے عراقی کردستان کے علاقے میں اسرائیلی جاسوسی ہیڈ کوارٹرز کو نشانہ بنایا ہے۔ اسرائیل نے ابھی تک اس کی تصدیق یا تردید نہیں کی ہے۔