ریاض ۔17جنوری (اے پی پی):سعوی وزیر خارجہ شہزادہ فیصل بن فرحان کے زیر قیادت وفد نے ورلڈ اکنامک فورم کے بانی کلاؤس شواب اور فورم کے صدر بورج بریڈے ملاقاتیں کی ہیں۔
العربیہ کے مطابق سعودی وزارت خارجہ کی طرف سے جاری بیان میں کہا گیا ہے ملاقاتوں میں مملکت اور عالمی اقتصادی فورم کے درمیان تعاون کو مضبوط بنانے کی حکمت عملی پر تبادلہ خیال کیا گیا ہے تاکہ اقتصادی شعبے کے چیلنجوں اور انسانی ترقی کو درپیش فوری مسئلوں سے نمٹنے کے طریقوں کو اختیار کیا جاسکے۔سعودی وفد کی ملاقاتوں کا یہ سلسلہ وزیر خارجہ کے زیر قیادت پورا ہفتہ جاری رہے گا۔ وفد کی طرف سے خوشحال مستقبل کے لیے بین الاقوامی برادری کے ساتھ مضبوط بنیادیں رکھنے کی خاطر مملکت کے عزم کا اظہار کیا جاتا رہے گا۔