آرمی چیف جنرل سید عاصم منیر نے کہا ہے کہ بلوچستان کے بہادر لوگوں پر فخر ہے جو مشکلات کے مقابلے میں ڈٹے رہے ہیں، بلوچستان کی کامیابی پاکستان کی کامیابی ہے۔
آئی ایس پی آر کی جانب سے جاری کردہ پریس ریلیز کے مطابق آرمی چیف جنرل سید عاصم منیر نے بلوچستان کے ضلع آواران کا دورہ کیا۔ اس موقع پر انہیں سیکیورٹی کی صورتحال پر بریفنگ دی گئی۔
بلوچستان میں بارشوں سے 5 ہلاکتیں ، 1250 مکانات کو نقصان
آرمی چیف کو سماجی و اقتصادی ترقی اور زراعت سے متعلق پاک فوج کی کاوشوں پر بھی بریفنگ دی گئی۔ انہوں نے مقامی عمائدین، کسانوں اور شہداء کے اہل خانہ سے ملاقات کی۔
آرمی چیف کی شہداء کے لواحقین، مقامی عمائدین کو فوج کی غیر متزلزل حمایت کی یقین دہانی کرائی۔ جنرل سید عاصم منیر نے شہدا کی قربانیوں کو خراج تحسین پیش کیا۔
دورۂ بلوچستان پر آرمی چیف کا کہنا تھا کہ بلوچستان کی کامیابی پاکستان کی کامیابی ہے، کسانوں کو ہر قسم کی زرعی سہولیات فراہم کی جائیں گی۔ کسانوں کو آسان اقساط پر قرضے، بیج اور سولر ٹیوب ویلز دیئے جائیں گے۔
وزیراعظم شہباز شریف سے آرمی چیف سید عاصم منیر کی ملاقات
جنرل عاصم منیر نے کیڈٹ کالج آواران کا افتتاح کرتے ہوئے کیڈٹ کالج کے اساتذہ اور طلبا سے گفتگو کی۔ آرمی چیف کی بلوچستان میں ایک اور کیڈٹ کالج کے قیام کی تعریف کرتے ہوئے کہا کہ پاک فوج سول انتظامیہ کے مل کر بلوچستان میں ترقیاتی اقدامات جاری رکھے گی۔