اسلام آباد۔23مئی (اے پی پی):پاکستان پوسٹ نے واضح کیا ہے کہ آن لائن ٹریکنگ کے مقصد کے لئے پاکستان پوسٹ کی ویب سائٹ https://ep.gov.pk ہے، ٹریکنگ کے مقصد کے لیے کوئی اور لنک یا ویب سائٹ پاکستان پوسٹ سے تعلق نہیں رکھتی۔ جمعرات کو پاکستان پوسٹ نے جاری وضاحتی بیان میں کہا ہے کہ پاکستان پوسٹ اپنے مینوئل سسٹم کے ذریعے آرٹیکلز پر عائد ڈیوٹی اور ٹیکس جمع کرتی ہے۔ صارفین سے کوئی رقم وصول کرنے کے لیے کوئی آن لائن سسٹم ، کال سینٹر نہیں ہے۔براہ کرم اپنے آن لائن آرڈر کو ٹریک کرتے ہوئے کسی بھی رقم کی ادائیگی کے لیے کسی بھی آن لائن لنک یا فون کال تک رسائی نہ کریں یا کسی بھی نقد ایپ کے ذریعے یاڈیبٹ/کریڈٹ کارڈ کے ذریعے کسی بھی فراڈ یار قم کے نقصان کی صورت میں پاکستان پوسٹ ذمہ دار نہیں ہوگی۔