اسلام آباد۔24مئی (اے پی پی):وفاقی وزیر برائے قانون و انصاف سینیٹر اعظم نذیر تارڑ نے کہا کہ سی ڈی اے نے تجاوزات کے خاتمے کے لئے نوٹسز جاری کئے تھے جس کے بعد انسداد تجاوزات کی کارروائی کی گئی۔ جمعہ کو ایوان بالا کے اجلاس میں قائد حزب اختلاف کی جانب سے اٹھائے جانے والے نکات کا جواب دیتے ہوئے وفاقی وزیر برائے قانون و انصاف سینیٹر اعظم نذیر تارڑ نے کہا کہ تجاوزات کے خلاف آپریشن کے حوالے سے چیئرمین سی ڈی اے سے بات ہوئی ہے، یہ مسئلہ چار سال سے چل رہا تھا، جن کو نوٹسز ملے تھے، وہ عدالت جا سکتے تھے۔
انہوں نے کہا کہ قانونی دائرہ اختیار میں رہ کر کسی ادارے کی خود مختاری کی بات کرنا آئینی و قانونی حق ہے، عدلیہ قابل احترام ہے، ان کے فیصلے بولنے چاہئیں۔ انہوں نے کہا کہ پی ٹی آئی کے دور حکومت میں پاکستان پیپلزپارٹی اور پاکستان مسلم لیگ (ن) کے رہنمائوں کو فسطائی حکومت نے نشانہ بنایا