چار ٹی20 میچوں پر مشتمل سیریز کے دوسرے میچ میں انگلینڈ کی پاکستان کے خلاف ٹاس ہارنے کے بعد پہلے بیٹنگ جاری ہے۔
اب سے کچھ دیر پہلے تک انگلینڈ نے 5 اوورز میں ایک وکٹ کے نقصان پر 46 رنز بنا لیے تھے۔
انگلینڈ کی اننگزانگلینڈ کی جانب سے اننگز کا آغاز مثبت انداز میں کیا گیا اور دونوں اوپنرز شاہین شاہ آفریدی کے پہلے دو اوورز کو آسانی سے کھیلنے میں کامیاب رہے۔
جوز بٹلر اور فِل سالٹ نے پہلے تین اوورز میں پراعتماد آغاز کیا جس کے بعد بابر اعظم نے چوتھا اوور عماد وسیم کو دیا جنہوں نے اپنے سپیل کی پہلی گیند پر ہی فِل سالٹ کو 13 کے انفرادی سکور پر آؤٹ کر دیا۔
سنیچر کو برمنگھم کے ایجبسٹن سٹیڈیم میں دونوں ٹیمیں مجموعی طور پر ٹی20 فارمیٹ میں 31ویں مرتبہ آمنے سامنے ہیں۔
دونوں ٹیموں کے درمیان اب تک 30 ٹی20 میچز کھیلے جا چکے ہیں جس میں 19 میچوں میں انگلینڈ نے جیت حاصل کی جبکہ 9 میچوں میں کامیابی پاکستان کا مقدر بنی اور دو میچ بغیر کسی نتیجے کے ختم ہوئے۔
پاکستان اور انگلینڈ کے درمیان سیریز کا پہلا میچ بارش کے باعث منسوخ کر دیا گیا تھا۔
دونوں ٹیموں کے درمیان اب تک مجموعی طور پر 30 ٹی20 میچز کھیلے جا چکے ہیں جن میں 19 میچوں میں انگلینڈ نے جیت حاصل کی، جبکہ 9 میچوں میں کامیابی پاکستان کا مقدر بنی اور دو میچ بغیر کسی نتیجے کے ختم ہوئے.
پاکستان اور انگلینڈ کے درمیان سیریز کا پہلا میچ بارش کے باعث منسوخ کر دیا گیا تھا۔
پاکستان کی پلیئنگ الیوناس میچ کے لیے پاکستان کی پلیئنگ الیون میں صائم ایوب، بابر اعظم (کپتان)، محمد رضوان، فخر زمان، اعظم خان (وکٹ کیپر)، افتخار احمد، شاداب خان، عماد وسیم، محمد عامر، شاہین آفریدی اور حارث رؤف شامل ہیں۔انگلینڈ کی پلیئنگ الیوناس میچ کے لیے انگلیںڈ کی پلیئنگ الیون میں فِل سالٹ، جوز بٹلر (کپتان، وکٹ کیپر)، وِل جیکس، جونی بیئرسٹو، ہیری بُروک، لیام لیونگسٹون، معین علی، کرس جورڈن، جوفرا آرچر، عادل رشید اور رِیس ٹوپلی شامل ہیں۔
خیال رہے کہ آئندہ ماہ سے امریکہ اور ویسٹ انڈیز میں شروع ہونے والے آئی سی سی ٹی20 ورلڈ کپ سے قبل دونوں ٹیموں کے پاس تیاری کے لیے یہ سیریز آخری موقع ہے۔
اس سیریز کے بعد دونوں ٹیمیں ٹی20 ورلڈ کپ کھیلنے کے لیے امریکہ اور ویسٹ انڈیز روانہ ہوں گی.