اسلام آباد۔25مئی (اے پی پی):گورنر خیبرپختونخوا فیصل کریم کنڈی نے کہا ہے کہ گورنر ہاؤس کے دروازے وزیر اعلی کے پی سمیت سب کے لیے کھلے ہیں ، خیبرپختونخوا میں معاشی اور امن وامان کے استحکام کے لیے پل کا کردار ادا کروں گا، وزیر اعلی کے پی گورنر ہاؤس نہیں آتے تو کے پی کے فلاح وبہبود کے لیے میں خود انکے پاس چلا جاؤنگا ، وہ معروف کاروباری اور سماجی شخصیت سید کوثر عباس اور سید عدنان حیدر کی جانب سے ان کی کی رہائش گاہ پر دئیے گئےعشائیہ سے خطاب کر ر ہے تھے۔
عشائیہ میں سابق ضلع نا ظم راولپنڈی راجہ جاوید اخلاص ،راولپنڈی چیمبر آف کامراس کے صدر ثاقب رفیق ، گروپ لیڈرسہیل الطاف، سینٹر بشری بٹ ، سینٹر ہدایت اللہ خان ، ایم پی اے ملک افتخار احمد ایم پی اے راجہ حنیف ایڈووکیٹ ، جاپان ایمبیسی کے فرسٹ سیکرٹری میزو سوا ماکی، برٹش ہائی کمیشن کی سیکنڈ سیکرٹری کوثر خانزادی ، معروف کاروباری شخصیت بریر نذیر اور دیگر بھی شریک تھے۔اس موقع پر عشائیے کے میزبان سید کو ثر عباس نے کہا کہ گورنر خیبر پختوخوا فیصل کریم کنڈی کا تمام سیاسی جماعتوں کو یکجا کرنے اور وفاق کی بہترین نمائندگی کرنے پر خراج تحسین پیش کرتے ہیں ۔میڈیا سے گفتگو کرتے ہو ئے گورنر خیبر پختونخوا فیصل کریم کنڈی نے کہا کہ غیر سیاسی ہوں سیاسی بات نہیں کرتا وفاق کا نمائندہ ہوں چا ہتاہوں صوبے اور مرکز کے درمیان بہترین کوارڈینیشن ہو ،آفتاب خان شیرپاو، جے یوآئی کے قائدین سے ملاقات کی ہے دیگر سیاسی جماعتوں کے سربراہان سے بھی ملاقاتیں کرونگا ، لا اینڈ آرڈر سمیت معشیت پر ہمارا فوکس ہےخیبر پختونخوا کا وکیل بن کر وفاق سے فنڈز لوں گا صوبے میں سنی اتحاد کونسل کو ترقیاتی منصوبوں کی تکمیل کو حق ہے، سنی اتحاد کونسل کی حکومت کی مدد کرونگا۔گورنر خیبر پختونخوا کا مزید کہنا تھا کہ وزیراعلیٰ خیبرپختونخوا سمیت ہر کسی کے لئے گورنر ہاوس کے دروازے کھلے ہیں اگر وزیراعلیٰ خیبرپختونخوا میرے پاس نہیں آسکتے تو صوبے کی فلاح وبہبود کے لیے میں انکے پاس چلاجاونگاوفاق اور خیبر پختونخوا حکومت کے درمیان دراڑیں نہیں ڈالیں گے بلکہ قریب لاونگا اور صوبے اور مرکز میں پل کا کردار اد ا کروں گا، گورنر کے پی کا مزید کہنا تھاکہ کے پی کے میں لوڈ شیدنگ اور معاشی مسائل پر صوبے کا حصہ وکیل بن کر مرکز سے حاصل کرکے دوں گا ِ۔