کوئٹہ۔ 26 مئی (اے پی پی):وزیر اعلٰی بلوچستان میر سرفراز بگٹی نے معروف اداکار طلعت حسین کے انتقال پرتعزیت اور اظہار افسوس کیا ہے۔ اپنے تعزیتی پیغام میں انہوں نے کہا کہ طلعت حسین پاکستان کے باصلاحیت فنکار تھے ،
طلعت حسین نے اپنے مثبت کردار پر مبنی ٹی وی ڈراموں کے ذریعے اصلاحی عمل کو فروغ دیا ، طلعت حسین پاکستانی عوام کے ہردلعزیز فنکار تھے جن کی کمی ہمیشہ محسوس کی جائے گی، وزیر اعلٰی نے سوگوار خاندان سے دلی ہمدردی اور تعزیت کا اظہارکیا ہے۔