سکیورٹی تعاون کو مضبوط بنانے کے لیے پاکستان کے ساتھ مل کر کام جاری رکھیں گے،چین

image

بیجنگ۔27مئی (اے پی پی):چین نے کہا ہے کہ وہ سکیورٹی تعاون کو مضبوط بنانے اور ملک میں چینی عملے، منصوبوں اور تنصیبات کی حفاظت اور حفاظت کو یقینی بنانے کے لیے پاکستان کے ساتھ مل کر کام جاری رکھے گا۔ چین کی وزارت خارجہ کے ترجمان ماؤ ننگ نے پیر کو معمول کی پریس کانفرنس کے دوران ایک سوال کے جواب میں کہا کہ ہم داسو ہائیڈرو پاور پراجیکٹ کی گاڑی پر حملے کی تحقیقات کے نتائج بارے پاکستان میں اعلیٰ حکام کی جانب سے کی جانے والی پریس کانفرنس کو بہت اہمیت دیتے ہیں۔

انہوں نے کہا کہ چین اس معاملہ کی تہہ تک پہنچنے اور ملوث ملزمان کو پکڑنے اور سزا دلوانے میں پاکستان کا ساتھ دے گا۔ انہوں نے دہشت گردی کو انسانیت کا مشترکہ دشمن اور علاقائی ترقی اور استحکام کے لیے کینسر قرار دیتے ہوئے کہا کہ چین خطے کے ممالک سے انسداد دہشت گردی میں تعاون کو مضبوط بنانے، دہشت گرد تنظیموں کے خاتمے ، ان ٹھکانوں کو ختم کرنے اور تمام ممالک کی مشترکہ سلامتی اور ترقی کے مفادات کا تحفظ کرنے کا مطالبہ کرتا ہے۔


News Source   News Source Text

مزید خبریں
عالمی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.