اسلام آباد۔27مئی (اے پی پی):وفاقی وزیر برائے مذہبی امور و بین المذاہب ہم آہنگی چوہدری سالک حسین نے پیر کو ایران کے سفارت خانے کا دورہ کیا اور انہوں نے ایرانی صدر ڈاکٹر ابراہیم رئیسی ، ایرانی وزیر خارجہ اور دیگر افراد کی ہیلی کاپٹر حادثہ میں شہادت پر تعزیت کی۔
وزیٹرز بک میں اپنا تعزیتی پیغام ریکارڈ کرتے ہوئے وفاقی وزیر نے کہا کہ پوری پاکستانی قوم ایرانی صدر کے انتقال پر غمزدہ ہے۔ انہوں نے اس موقع پر تمام مرحومین کے ایصال ثواب کے لئے دعا کی اور تمام سوگواران کے لئے صبر جمیل کی بھی دعا کی ۔