مکہ مکرمہ۔10جون (اے پی پی):سعودی عرب کا جنرل ڈائریکٹوریٹ آف سول ڈیفنس حج سیزن 1445ہجری کے لئے عازمین حج کو جمرات پل اور گردونواح میں وصول کرنے اور حجاج کرام کے کنکر پھینکنے کے دوران خدمات فراہم کرنے کے لئے بھرپور تیاریاں کر رہا ہے۔
ڈائریکٹوریٹ نے راہداریوں، آس پاس کے یارڈز اور مرکزی داخلی راستوں پر تعینات اپنے یونٹس کی تیاری پر توجہ مرکوز کر رکھی ہے اور حج کے لئے عام ہنگامی منصوبے پر عمل درآمد اور اس سے نمٹنے کے لئے انتہائی لیس عملے اور تکنیکی تیاریوں پر پیش رفت کر رہا ہے۔