مکہ المکرمہ۔10جون (اے پی پی):سعودی عرب میں حج سیزن کے دوران پہلی مرتبہ نئی ٹیکنالوجی سے آراستہ ورچوئل گلاسز متعارف کرائے گئے ہیں۔اگمینٹڈ رئیلٹی ٹیکنالوجی سے آراستہ ’ورچوئل گلاسز‘ کے استعمال سے فیلڈ کنٹرولرز کو ٹرانسپورٹ کی نگرانی، معائنے اور خلاف ورزیوں کا ریکارڈ تیار کرنے میں آسانی ہوگی۔
محض چھ سیکنڈ کے اندر، انسپکٹرز گاڑی کی قانونی حیثیت، ڈرائیور کی تعمیل، دستاویزات کی جانچ اور کسی بھی خلاف ورزی کی رپورٹ ڈیٹا اور کنٹرول سینٹر کو فراہم کر سکتے ہیں۔اس کا مطلب ہے کہ گاڑیوں کی جانچ پڑتال کے وقت میں حیران کن طور پر 600 فیصد کمی آئی ہے، جو بالآخر تعمیل کی شرح اور زائرین کے لئے ٹرانسپورٹ خدمات کے مجموعی معیار کو بہتر بناتی ہے۔