اسلام آباد۔12جون (اے پی پی):سعودی عرب کے جنرل ڈائریکٹوریٹ آف پاسپورٹس نے اعلان کیا ہے کہ حج سیزن 2024 کے لیے پیر 10 جون تک فضائی، بحری اور زمینی راستے سے 15 لاکھ 47 ہزار295 عازمین سعودی عرب پہنچ چکے ہیں۔ایس پی اے کے مطابق 14 لاکھ 83 ہزار312 عازمین فضائی راستے، 59 ہزار 273 زمینی اور 4 ہزار710 بحری راستے سے پہنچے ہیں۔محکمہ پاسپورٹ کا کہنا ہےکہ وہ عازمین کے داخلے کو آسان بنانے کے لیے اپنی تمام صلاحیتیں بروئے کار لا رہا ہے۔ تمام بین الاقوامی پورٹس پر تمام ہالز میں کوالیفائیڈ عملہ اور جدید تیکنیکی ڈیوائسز موجود ہیں۔