فلوریڈا: انٹرنیشنل کرکٹ کونسل (آئی سی سی) ٹی 20 ورلڈکپ میں بھارت اور کینیڈا کے درمیان میچ بارش کے باعث منسوخ کر دیا گیا۔ دونوں ٹیموں کو ایک ایک اضافی پوائنٹ دے دیا گیا۔
آئی سی سی کے تحت منعقدہ ٹی 20 ورلڈ کپ میں بھارت اور کینیڈا کے درمیان میچ بارش کے باعث منسوخ کر دیا گیا۔ دونوں ٹیموں کے درمیان ٹاس بھی نہ ہو سکا۔
میچ منسوخ ہونے کے بعد دونوں ٹیموں کو ایک ایک اضافی پوائنٹ دے دیا گیا۔
یہ بھی پڑھیں: بابر اعظم نے شاہین پر دباؤ ڈالنے کیلئے عامر کو ٹیم میں شامل کیا، باسط علی کا دعوی
اسٹیڈیم میں پانی جمع ہونے کی وجہ سے ایک روز قبل امریکہ اور آئرلینڈ کا میچ بھی منسوخ کر دیا گیا تھا۔ ان دونوں ٹیموں کو بھی ایک ایک پوائنٹ دے دیا گیا تھا۔
واضح رہے کہ امریکہ سپر ایٹ مرحلے میں پہنچ گیا ہے جبکہ بھارت پہلے ہی سپر ایٹ میں رسائی حاصل کر چکا ہے۔ بھارت گروپ اے میں پہلی پوزیشن پر ہے جبکہ گروپ اے میں سے پاکستان، آئرلینڈ اور کینیڈا کا ٹی ٹوینٹی ورلڈکپ میں سفر ختم ہو چکا ہے۔