"آپ بہت مضبوط ہیں. اللہ آپ کو جلد ہی اچھی صحت اور لمبی عمر سے نوازے"
یہ کہنا ہے پاکستان کی نامور اداکارہ منال خان کا جنھوں نے بھارتی اداکارہ حنا خان کی وائرل ویڈیو پر تبصرہ کرتے ہوئے انھیں دعا دی. حنا خان کو حال ہی میں تیسرے درجے کے چھاتی کے کینسر کی تشخیص ہوئی ہے جس کے بعد گزشتہ روز حنا نے بال کٹواتے ہوئے اپنی ایسی ویڈیو اپلوڈ کی جسے دیکھ کر مداحوں نے بھی ان کا درد محسوس کیا.
اس ویڈیو جہاں حنا ایک مسکراہٹ کے ساتھ اپنا غم چھپاتے محسوس ہورہی ہیں وہیں ان کی والدہ بھی رونے لگتی ہیں اور حنا ان کو تسلی دیتی ہیں. اس ویڈیو کے سامنے آتے ہی مداحوں کے علاوہ بھارتی اور پاکستانی اداکاراؤں نے بھی حنا خان کے حوصلے کو سراہا اور ان کو دعائیں دیں.
اداکارہ مریم نفیس لکھتی ہیں "آپ اس وقت کئی لوگوں کے لئے امید کی کرن ہیں. میری جانب سے آپ کے لئے بہت زیادہ دعائیں اور پیار"
جبکہ بھارتی گلوکارہ شریا گوشال اور اداکارہ شلپا شیٹی بھی حنا خان کو جلد صحتیاب ہونے کی دعا دیتی ہیں.