پاکستان شوبز انڈسٹری کے سینیئر لیجنڈری اداکار توقیر ناصر نے یہ دعویٰ کیا ہے کہ بالی ووڈ کی شان کنگ خان نے ایک فلم میں ان کی نقل کی ہے۔
توقیر ناصر نے حال ہی میں ایک پروگرام میں بطور مہمان شرکت کی، جہاں انہوں نے بہت ساری باتیں کی اور کھل کر اپنے خیالات کا اظہار بھی کیا۔
دوران انٹرویو انہوں نے انکشاف کیا کہ، شاہ رخ خان نے ہمیشہ میرے کام کی تعریف کی ہے اور کئی بار مختلف لوگوں کے ذریعے میرے نام اپنا سلام اور تعریفی پیغامات بھجوائے ہیں۔
توقیر ناصر نے ساتھ ہی اس بات کا بھی انکشاف کیا کہ، شاہ رخ خان ان کی نقل کرتے ہیں۔ اور ماضی کی سپر ہٹ فلم ’کبھی الوداع نہ کہنا‘ میں انہوں نے میرے ڈرامہ سیریل ’پرواز‘ کے مکمل کردار کو ہوبہو فلم میں کاپی کیا تھا۔
سینیئر اداکار کا کہنا تھا کہ، اس بات کو میں سراہتا ہوں لیکن، انہیں اس چیز کا کریڈٹ مجھے دینا چاہئے تھا یہاں تک کے فلم کے ہدایت کار کرن کو بھی چاہئے تھا کہ وہ اس بات کا کریڈٹ دیتے۔