سربراہ جے یو آئی ف مولانا فضل الرحمان نے دعویٰ کیا ہے کہ پاکستان تحریک انصاف (پی ٹی آئی ) نے خیبر پختونخوا اسمبلی توڑنے اور قومی و صوبائی اسمبلیوں سے مستعفی ہونے کی یقین دہانی کرادی ہے۔پی ٹی آئی کیساتھ مذاکرات کیلئے کمیٹی تشکیل دیدی گئی۔
مولانا فضل الرحمان نے اسلام آباد میں میڈیا سے گفتگو کرتے ہوئے کہا کہ پی ٹی آئی نے شفاف انتخابات کیلئے اسمبلیوں سے استعفوں پر آمادگی ظاہر کی ہے، نئے انتخابات اور اصل عوامی مینڈیٹ کی حکومت ہی مسائل کا حل ہے۔ پی ٹی آئی کی جانب سے مثبت بات سامنے آئی۔
تحریک عدم اعتماد سمیت کسی معاملے پر پیپلزپارٹی سے کوئی بات نہیں ہوگی، بانی پی ٹی آئی
انہوں نے کہا کہ پی ٹی آئی کیساتھ مثبت پیش رفت آگے بڑھ سکتی ہے، دونوں پارٹیوں کے مابین تلخ تعلقات رہے ، پہلے معاملات نارمل ہونا لازمی ہیں۔ انہوں نے کہا کہ سابق چیئرمین پی ٹی آئی سمیت سیاستدانوں پر مقدمات نہیں بننے چاہئیں۔
فضل الرحمان نے تجویز دی ہے کہ پارلیمانی اور بلدیاتی انتخابات ایک ساتھ ہونے چاہئیں، نگران سیٹ اپ کا تصور ختم کیا جائے ، غیر جانبدار اور شفاف انتخابات کے بغیرملک میں امن آئے گا اورنہ معاشی استحکام۔
سربراہ جے یو آئی ف نے کہا کہ 5اگست کو بھارت کی جانب سے کشمیر کی آئینی حیثیت کی تبدیلی کیخلاف یوم سیاہ منایا جائیگا، 10اگست کو مردان میں کسان کنونشن منعقد ہوگا، 11کو پشاور میں تاجر کنونشن اور18 اگست کو لکی مروت میں امن کنونشن ہوگا، تمام عوامی اجتماعات میں خود شریک ہوں گا۔
مولانا فضل الرحمان کا کہنا تھا کہ یہ اجتماعات پارٹی وابستگی سے بالا عوامی ترجمان ہوں گے، پاکستان کے عوام 2001ء سے 2024ء تک امن کو ترستے ہیں، معاشی استحکام کیلئے سیاسی استحکام ضروری، اس کے بغیر ملک آگے نہیں بڑھ سکتا ہے۔
ڈالر سمیت دیگر کرنسیوں کی قیمت میں کمی، ہفتہ وار رپورٹ جاری
ترجمان جے یو آئی کےمطابق پی ٹی آئی کیساتھ مذاکرات کیلئے کامران مرتضیٰ کی سربراہی میں مذاکراتی کمیٹی تشکیل دی گئی ہے جو تحریک انصاف سے مل کر اگلی حکمت عملی طے کرے گی۔ کمیٹی میں مولانا لطف الرحمان، فضل غفور، اسلم غوری اور مولانا امجد شامل ہیں۔