ندا یاسر اور اُن کے شوہر یاسر نواز ایک بار پھر تنقید کی زد میں ہیں۔
حال ہی میں فریضہ حج ادا کرنے والے ندا اور یاسر نواز کو حج کے دوران تصویریں لینے، ویڈیو بنانے اور پھر ان کو سوشل میڈیا پر اپلوڈ کرنے کے لیے تنقید کا سامنا کرنا پڑا تھا وہیں ایک بار پھر اس جوڑے کو ٹرول کیا جا رہا ہے۔
دراصل ندا یاسر اور یاسر نواز اپنا ایک یوٹیوب چینل ہے جس پر وہ اپنے تازہ ترین وی لاگز شیئر کرتے رہتے ہیں۔
ان دنوں، دونوں میاں بیوی فیملی سمیت بیرونِ ملک سیر سپاٹوں میں مصروف ہیں اور وہاں سے اپنے تفریحی وی لاگز شیئر کر رہے ہیں، جس پر صارفین اعتراض کرتے دکھائی دے رہے ہیں۔ اور اس کی اہم وجہ حج کے بعد ندا یاسر کا حجاب نہ پہننا ہے۔
اپنے حالیہ وی لاگ میں، سوشل میڈیا پر ہونے والی اس تنقید پر ندا یاسر اور یاسر نواز نے ٹرولز کو ٹرولنگ جاری رکھنے کا مشورہ دے دیا۔
انہوں انے کہا کہ، اگر ہم حج کے بعد گھومنے آ گئے ہیں تو اس میں ہم نے کیا غلطی کر دی ہے؟
ساتھ ہی یاسر نواز کا کہنا تھا کہ، ہم یہاں (اٹلی) اللّٰہ کے بنائے ہوئے خوبصورت نظارے ہی دیکھنے آئے ہیں، یہ نظارے بھی اللہ ہی نے بنائے ہیں، اس میں کیا غلط بات ہے؟ بلکہ ہم تو یہ نظارے دیکھتے ہوئے اللہ کی تعریف کر رہے ہیں۔