منا بھائی عرف سنجے دت بھارتی فلم انڈسٹری کے ایک ایسے ستارے ہیں جو سالوں بعد آج بھی اتنے ہی روشن ہیں جتنے پہلے دن تھے۔
حال ہی میں ان کے کل اثاثوں کی تفصیلات سامنے آئی ہے۔ جن سے ان کی پرتعش زندگی کا پتہ چلتا ہے۔
بھارتی ادارہِ اعداد و شمار کے مطابق، سنجے دت کی مجموعی مالیت تقریباً 295 کروڑ روپے ہے۔
ذرائع کے مطابق، اداکار فی فلم 8 سے 15 کروڑ روپے وصول کرتے ہیں۔
سنجے دت کا شمار اُن اداکاروں میں ہوتا ہے جو اپنی فیملی کے ہمراہ عالیشان زندگی گزار رہے ہیں، ان کا ممبئی کے پوش علاقے پالی ہل میں ایک بڑا اپارٹمنٹ ہے۔ ساتھ ہی رپورٹس میں بتایا گیا کہ سنجے دت یاٹ کے بھی مالک ہیں جن میں وہ اپنے دوستوں اور فیملی کے ساتھ چھٹیوں میں گھومتے پھرتے ہیں۔
بھارتی میڈیا کے مطابق، سنجے کے پاس کئی لگژری گاڑیاں ہیں جن میں رینج روور، اوڈی، رولز روئس، بی ایم ڈبلیو اور فراری شامل ہے، دیکھا جائے تو ان گاڑیوں کی مالیت کروڑوں میں ہے۔ اسکے علاوہ اداکار کے پاس ڈیزائنر چشمے، مہنگی گھڑیاں اور بیوی کے قیمتی زیورات بھی ہیں۔