مکان کی تعمیر نئی ہو یا پرانی، ایک بار بارش ہونے کے بعد اس کی حقیقت سامنے آجاتی ہے. کیونکہ بارش میں چھتوں اور دیواروں پر دراڑیں پڑ جاتی ہیں جن سے پانی ٹپکنے لگتا ہے. اس کے علاوہ نمی کے داغ بھی ہمیشہ کے لئے رہ جاتے ہیں. آج کے آرٹیکل میں ہم آپ کو اس مسئلے سے صرف 100 روپے میں چھٹکارا پانے کی تدبیر بتائیں گے.
بازار سے 100 روپے کا تارکول لے لیں. یہ کالے پتھر کی شکل میں ملے گا. اب اس کو چھت پر کسی چھوٹے سلینڈر پر دیگچی رکھ کر پگھلا لیں اور احتیاط سے چھت کی دراڑوں پر ڈال دیں.
تارکول گاڑھا مادہ ہوتا ہے جو کہ دراڑوں پر فوری چپک کر سوکھ جائے گا. یہ دراڑوں کو بند کردے گا جس کی وجہ سے چھت سے کمروں میں پانی گرنا بند ہوجائے گا.