"میں اس شادی سے بہت خوش ہوں کیونکہ یہ میری پہلی شادی ہے"
یہ کہنا ہے 25 سالہ ریشما پروین کا جنھوں نے بھارتی ریاست بہار کے 70 سالہ محمد سلیم اللہ نورانی سے شادی کی ہے.
ریشم کے شوہر محمد سلیم اللہ نورانی پیشے کے لحاظ سے ایک کسان ہیں اور یہ ان کی دوسری شادی ہے. نورانی نے اپنی پہلی بیوی کو چار سال پہلے کھو دیا تھا اور بیوی کے انتقال کے بعد سے خود کو تنہا محسوس کرتے تھے۔
نورانی اور ریشما کی شادی میں بڑی تعداد میں لوگوں نے شرکت کی. دلہا دلہن کی عمر کے اتنے زیادہ فرق پر لوگ یہ جاننے کے لئے متجسس تھے کہ آخر اتنی کم عمر لڑکی نے اتنے بوڑھے شخص سے کیوں شادی کی.
نورانی نے انکشاف کیا کہ ان کے سات بچے ہیں جن میں چھ بیٹیاں اور ایک بیٹا شامل ہے۔ انھیں گھر کے کاموں کے لئے ایک خاتون کی ضرورت تھی لہذا انھوں نے اس عمر میں بھی شادی کو ترجیح دی اور چونکہ انھوں نے کوئی قانون نہیں توڑا اس لئے انھیں تنقید کا نشانہ نہ بنایا جائے.