پاک فوج نے گلگت بلتستان میں پھنسے غیر ملکیوں سمیت 7 کوہ پیماؤں کو بچانے کے کامیاب ریسکیو آپریشن کیا ہے۔
گلگت بلتستان میں روس کے 3 اور پاکستان کے 4 کوہ پیما ہائی ایلٹیٹیوڈ سیکنس یا بلندی پر پھنس گئے تھے، جس پر پاک فوج سے ریسکیو کی اپیل کی گئی تھی۔
پاک فوج نے 20ہزار100 فٹ کی بلندی پر کوہ پیماؤں کو ہیلی کاپٹرز کے ذریعے ریسکیوکیا، جس پر کوہ پیماؤں نے پاک فوج کا شکریہ ادا کیا ہے۔
یاد رہے کہ پاک فوج نے گزشتہ مہینے بھی گلگت بلتستان میں سنو بلینڈنس کا شکار ہونے والے 4 پاکستانی کوہ پیماؤں کو ہیلی کاپٹر کی مدد سے ریسکیو کیا تھا۔