گھروں کے لیے مفت سولر سسٹم کی فراہمی کے حوالے سے عوام کے لئے بڑی خبر آگئی، آئندہ چند ہفتے میں سہولت مفت ہوگی۔
ترجمان سندھ حکومت سعدیہ جاوید کی جانب سے بیان میں کہا گیا کہ بلاول بھٹو آج عوامی معاشی معاہدہ کےتحت اپنا وعدہ پورا کر رہے ہیں، انھوں نے وعدہ کیا تھا 26 لاکھ گھروں کوسولرہوم سسٹم مفت دیں گے.
سعدیہ جاوید کا کہنا تھا کہ وفاقی حکومت نہ ہونے،محدودوسائل کےباوجودمنصوبہ آج حقیقت بن رہاہے، منصوبےکےتحت رواں سال آف گرڈ 5لاکھ گھروں کومفت سولر سسٹم دیا جائے گا۔
ترجمان نے بتایا کہ چیئرمین بلاول بھٹو آج سولر ہوم سسٹم فراہمی کی منصوبے کا افتتاح کریں گے، آئندہ چند ہفتے میں 2 لاکھ غریب گھرانوں میں شمسی بجلی کی سہولت مفت ہوگی۔
ان کا کہنا تھا کہ سولر ہوم سسٹم منصوبہ 26 لاکھ خاندانوں کی زندگیاں منورکرنےکا منصوبہ ہے، سندھ حکومت نے اس منصوبے کیلئے 25 ارب روپے کی خطیر رقم رکھی ہے، منصوبے کا آغاز وزیراعلیٰ مراد شاہ ،وزیر توانائی ناصر شاہ کی کاوشوں ک انتیجہ ہے۔