لبنان کی مزاحمتی تنظیم حزب اللہ نے ایک ہفتے کے دوران 70 اسرائیلی فوجیوں کو ہلاک کرنے کا دعویٰ کیا ہے۔
غیر ملکی خبر رساں ادارے کے مطابق حزب اللہ نے ایک بار پھر وسطی اسرائیل پر میزائل حملے کیے۔
دوسری جانب اسرائیل نے لبنانی دارالحکومت بیروت پر شدید بمباری کی اور 17 فضائی حملے کردیے، اس دوران بغیر پیشگی وارننگ 6 عمارتیں بم مارکر ملبے کا ڈھیر بنادی گئیں۔
ادھر شامی دارالحکومت دمشق کے مرکز میں ایک عمارت پر بھی اسرائیل نے حملہ کیا ہے۔
دوسری جانب غزہ میں اسرائیلی فوج کی بمباری سے مزید 42 فلسطینی شہیدہوگئے، اسرائیلی فوج نے جبالیہ میں الیمن اسپتال کے قریب ڈرون حملہ کرکے پولیس سربراہ کو بھی شہید کردیا۔
حال ہی میں آسٹریلوی میڈیا نے اپنی تحقیقاتی رپورٹ میں دعویٰ کیا ہے کہ غزہ میں شہید ہونے والے فلسطینیوں کی اصل تعداد بہت زیادہ ہے، غزہ میں لگ بھگ 2 لاکھ فلسطینی شہید ہوچکے ہیں۔