ایشوریہ رائے اور ابھیشیک بچن کا تعلق اس وقت ایک معمہ بن گیا ہے جو کبھی بنتا تو کبھی بگڑتا نظر آتا ہے۔ ایسے میں پچھلے دنوں اس کہانی میں اداکارہ نمرت کور کی انٹری ہوئی۔
نمرت کور کو ان کی ایک پرانی ویڈیو کلپ کی وجہ سے ایشوریہ اور ابھیشیک کے درمیان آنے اور ان کے تعلق کو خراب کرنے کا الزام دیا جارہا تھا۔
جس پر اداکارہ نے بلآخر اپنے اور ساتھی اداکار کے تعلقات سے متعلق پھیلی افواہوں پر خاموشی توڑ دی۔
نمرت نے اس حوالے سے بات کرتے ہوئے کہا کہ، لوگوں کا کام تو کہنا ہے پھر میں چاہے کچھ بھی کر لوں، لوگ وہی کہیں گے جو وہ چاہتے ہیں۔ اس لیئے میں ایسی باتوں سے زیادہ اپنے کام پر توجہ دیتی ہوں۔
بھارتی میڈیا کو دیئے گئے اس انٹرویو میں نمرت نے ابھیشیک بچن اور اپنے تعلق سے متعلق خبروں کی نہ تو تردید کی اور نہ ہی تصدیق۔
واضح رہے، نمرت کور کا یہ بیان اس لیئے سامنے آیا ہے کیونکہ شادی سے متعلق ان کا ماضی میں دیا گیا ایک انٹرویو کلپ سوشل میڈیا کی زینت بنا ہوا تھا۔