معروف اداکار اور حبا بخاری کے شوہر آریز احمد نے مداحوں کو شادی میں جہیز نہ دینے کا مشورہ دے دیا۔
آریز احمد نے انسٹاگرام پر مداحوں کے ساتھ سوال جواب کا سیشن رکھا جس میں لوگوں نے ان سے کئی طرح کے سوال کئے، اس دوران ایک مداح نے اداکار سے اپنی بہن کی شادی کیلئے جہیز کی مدد مانگ لی۔
اس نے لکھا کہ، "سر جہیز چاہیئے بہن کی شادی کے لیئے، جہیز نہیں ہے۔"
مداح کی اس بات پر آریز احمد نے ان کو مشورہ دیتے ہوئے کہا، "جہیز سے پرہیز کریں، اگر لڑکا جہیز کی ڈیمانڈ کر رہا ہے تو منع کر دیں، اور اللہ پر بھروسہ رکھیں۔"
آریز کے اس مشورے کے بعد سوشل میڈیا پر انکی یہ پوسٹ وائرل ہوگئی اور صارفین کی جانب سے ملے جلے ردعمل سامنے آنے لگے۔
کچھ صارفین نے اداکار کی بات سے اتفاق کرتے ہوئے ان کی حمایت کی جبکہ کچھ کا ماننا تھا کہ آریز مدد کرنے کے بجائے مفت مشورے دے کر اپنی جان چھڑا رہے ہیں۔ اور ایک صارف نے تو یہ بھی کہہ دیا کہ آریز خود ایسا لڑکا ڈھونڈ کر دے دیں جو جہیز نہ لے۔