اسلام آباد میں نوبیاہتا جوڑا راستہ بند کرنے کے لئے لگائے گئے کنٹینرز کو فوٹو شوٹ کے لئے منتخب کرکے مشہور ہو گیا۔
دی ٹیلنٹ اسٹوڈیوز کے نام سے ایک انسٹا گرام پیج پردلہا اور دلہن کی کچھ تصاویر جاری کی گئیں، ان کنٹینرز پر 804 کا ہندسے اسپرے پینٹ سے لکھا ہوا تھا۔
ایک تصویر میں دلہن اور 8 اور 4 کے عین وسط میں کھڑی ہے اور دلہن تقریباً کنٹینر کے پاس، اس فوٹو نے انٹرنیٹ صارفین کو اپنی جانب متوجہ کیا اور دیکھتے ہی دیکھتے یہ تصاویر وائرل ہو گئیں۔
ان تصاویر کے پس منظر میں جذبہ جنون تو ہمت نہ ہار چل رہا ہے، ان تصاویر پر سوشل میڈیا پر صارفین اپنی اپنی رائے دے رہے ہیں۔
احتجاج کے باعث راستوں کی بندش، دلہا موٹر سائیکل پر ہی دلہن لے گیا
ایک صارف نے لکھا کہ یہ آپ کی زندگی کا لائف ٹائم ایونٹہے جسے لاک ڈاؤن نے ہیلو کہا۔ ایک اور صارف نے لکھا کہ جب آپ کو اپنے بڑے دن پر کوئی اور جگہ نہیں ملی، چونکہ یہ سب بند تھا۔
ہر کوئی خصوصاً نئے شادی شدہ جوڑے فوٹو شوٹ کے لئے خوبصورت جگہ پسند کرتے ہیں تاکہ ان کے لئے یہ یاد رہے، ایسے موقع پر اس جوڑے نے کنٹینرز کا انتخاب کیا جو یقیناً ان کے لئے یادگار رہے گا کہ راستوں کی بندش کی وجہ سے لگے کنٹینرز کے سامنے فوٹو گرافی کی تھی۔
کنٹینرز پر 804 کا ہندسہ بھی اسپرے پینٹ سے لکھا گیا تھا، یہاں فوٹو گرافر کو بھی داد دی جا رہی ہے کہ اس نے کس انداز میں ان کی تصاویر بنائیں، کئی صارف اس جوڑے کو زندہ دل قرار دے رہے ہیں۔
کچھ صارف اسے ان کی زندگی کا بہترین فوٹو شوٹ قرار دیتے ہوئے نظر آئے، زیادہ صارف نے اس نئے جوڑے کے لئے نیک خواہشات کا اظہار کیا ہے۔